उत्तर महाराष्ट्रात प्रथमच! मिनिमली इन्व्हेसिव्ह हार्ट सर्जरीनंतर अवघ्या २४ तासांत रुग्णाला डिस्चार्ज

उत्तर महाराष्ट्रात प्रथमच! मिनिमली इन्व्हेसिव्ह हार्ट सर्जरीनंतर अवघ्या २४ तासांत रुग्णाला डिस्चार्ज

१८ वर्षीय रिया मोगलवर छातीचे हाड न कापता यशस्वी हृदयशस्त्रक्रिया

नाशिक : जन्मजात हृदयरोगाने त्रस्त असलेल्या १८ वर्षीय रिया मोगल हिच्यावर अशोका मेडिकव्हर हॉस्पिटलमध्ये आधुनिक मिनिमली इन्व्हेसिव्ह ओपन हार्ट सर्जरी यशस्वीपणे करण्यात आली. विशेष म्हणजे, या प्रकारच्या शस्त्रक्रियेनंतर उत्तर महाराष्ट्रात प्रथमच अवघ्या २४ तासांच्या आत रुग्णाला डिस्चार्ज देण्यात आला आहे.

रियाला Sinus Venosus Atrial Septal Defect (ASD) with Partial Anomalous Pulmonary Venous Connection (PAPVC) हा जन्मजात हृदयरोग होता. या आजारामध्ये हृदयातील वरच्या कप्प्यांमधील पडद्याला छिद्र असण्यासोबतच फुफ्फुसातून येणारी रक्तवाहिनी हृदयाला असामान्य ठिकाणी जोडलेली असते.
या आजारासाठी पारंपरिक पद्धतीने ओपन हार्ट सर्जरी करावी लागू शकते. मात्र, रियाच्या बाबतीत आधुनिक मिनिमली इन्व्हेसिव्ह ओपन हार्ट सर्जरीचा पर्याय निवडण्यात आला. या प्रक्रियेत छातीचे मध्यवर्ती हाड म्हणजेच sternum (breastbone) कापण्यात आले नाही. छातीच्या उजव्या बाजूने दोन बरगड्यांच्या मधून छोट्या छेदाद्वारे शस्त्रक्रिया करण्यात आली.
या पद्धतीमुळे मोठी जखम टाळता आली असून लहान व कॉस्मेटिक व्रण, कमी वेदना, कमी रक्तस्राव, संसर्गाचा तुलनेने कमी धोका आणि जलद रिकव्हरी असे फायदे मिळतात.
सर्वात महत्त्वाचे म्हणजे, शस्त्रक्रियेनंतर रियाची प्रकृती स्थिर राहिली आणि २४ तासांच्या आत तिला डिस्चार्ज देण्यात आला. बारावीच्या शिक्षणाच्या महत्त्वाच्या टप्प्यावर असलेल्या रियासाठी ही जलद रिकव्हरी विशेष महत्त्वाची ठरली आहे.
याबाबत डॉ. प्रणव माळी यांनी सांगितले, “निवडक रुग्णांमध्ये मिनिमली इन्व्हेसिव्ह तंत्रज्ञानामुळे पारंपरिक ओपन हार्ट सर्जरीच्या तुलनेत शस्त्रक्रियेनंतरचा त्रास कमी करण्यास आणि रुग्णाच्या रिकव्हरीला गती देण्यास मदत होते. रियाच्या बाबतीत शस्त्रक्रियेनंतरची तिची रिकव्हरी अत्यंत समाधानकारक झाली आणि वैद्यकीय निकषांनुसार २४ तासांच्या आत तिला घरी पाठवता आले.”

सेंटर हेड अनुप त्रिपाठी
अशोका मेडिकव्हरमध्ये आम्ही केवळ उपचार देण्यापेक्षा रुग्णाला सर्वोत्तम वैद्यकीय सुविधा, अत्याधुनिक तंत्रज्ञान आणि सुरक्षित उपचार अनुभव देण्यावर सातत्याने भर देत आहोत. रिया मोगलवरील ही शस्त्रक्रिया त्याचे उत्तम उदाहरण आहे.

0 4 8 7 6 8