नांदगाव प्रशिक्षण औद्योगिक प्रशिक्षण संस्थेचे शिक्षक प्रशिक्षणासाठी बाहेरगावी गेल्याने विद्यार्थ्यांचे प्रशिक्षण ठप्प

मुक्ताराम बागुल, नांदगाव

नांदगाव येथील औद्योगिक प्रशिक्षण संस्थेचे शिक्षक प्रशिक्षणासाठी बाहेरगावी गेल्याने नांदगाव येथील औद्योगिक प्रशिक्षण संस्थेच्या इलेक्ट्रिक ट्रेड चे विद्यार्थी दिनांक 22 फेब्रुवारी 2025 पासून प्रशिक्षणापासून वंचित आहेत.
याबाबत सविस्तर वृत्त असे की, नांदगाव येथे असलेले औद्योगिक प्रशिक्षण संस्था नांदगाव आय. टी.आय‌. मधील प्रशिक्षण हे विद्यार्थ्यांना तांत्रिक कौशल्य प्रदान करणारे महत्वाचे साधन असते. मात्र शिक्षकांच्या अनुपस्थितीमुळे विद्यार्थ्यांचे शिक्षण खोलंबले आहे. विद्यार्थ्यांनी यावर नाराजी व्यक्त केली असून त्यांच्या मते दीर्घ कालावधीसाठी प्रशिक्षण थांबणे हे यांच्या अभ्यासावर परिणाम करू शकते.
यावर विद्यार्थ्यांनी सांगितले की, आम्ही नियमित वर्गासाठी येतो. परंतु शिक्षक उपलब्ध नसल्यामुळे आमचे वेळापत्रक प्रभावित झाले आहे. प्रशिक्षण नसल्याने आमचे कौशल्य विकसित होण्यास अडथळा निर्माण होत आहे. या संदर्भात संस्थेचे प्राचार्य म्हणाले की, शिक्षकाचे प्रशिक्षण आधीच नियोजित होते. त्यामुळे हा कालावधी व्यवस्थित करण्यासाठी पर्यायी व्यवस्था केली जात आहे. सदरचे प्रशिक्षण लवकरच दिनांक 5 मार्चपासून पुन्हा नियमित केले जाईल अशी माहिती आय.टी.आय.चे आचार्य कुलकर्णी यांच्याकडून देण्यात आले. ते प्रशिक्षण पुन्हा नियमित केले जाईल असे सांगण्यात आले. विद्यार्थ्यांनी प्रशासनाकडे विनंती केली आहे की भविष्यात अशा परिस्थितीचा सामना करण्यासाठी पर्यायी शिक्षकांची व्यवस्था केली जावी जेणेकरून त्यांचे शिक्षण थांबणार नाही. नांदगाव येथील औद्योगिक प्रशिक्षण संस्था शासकीय मध्ये एकूण सहा ट्रेड आहेत. त्यापैकी इलेक्ट्रिक ट्रेड वरील शिक्षक प्रशिक्षण साठी बाहेरगावी गेल्याने विद्यार्थ्यांचे प्रशिक्षण थांबले आहे.

0 2 5 6 2 9