निसर्गाच्या रक्षणासाठी झटणाऱ्या तरुणांची कहाणी घेऊन ‘आऊट ऑफ सिलॅबस’ची टीम नाशिकमध्ये!

निसर्गाच्या रक्षणासाठी झटणाऱ्या तरुणांची कहाणी घेऊन ‘आऊट ऑफ सिलॅबस’ची टीम नाशिकमध्ये!

एमपीएससीच्या तयारीच्या धकाधकीतही निसर्गसंवर्धनासाठी लढा देणाऱ्या तरुणांची प्रेरणादायी आणि संघर्षमय कथा सांगणारा मराठी चित्रपट ‘आऊट ऑफ सिलॅबस’ सध्या सर्वांचे लक्ष वेधून घेत आहे. चित्रपटाचे निर्माते सुगत वाघमारे यांच्यासह कलाकार आणि संपूर्ण टीम चित्रपटाच्या प्रचारानिमित्त नाशिकमध्ये पत्रकार परिषदेसाठी उपस्थित राहणार असून, चित्रपटामागील संकल्पना आणि पर्यावरण संवर्धनाचा महत्त्वपूर्ण संदेश प्रेक्षकांपर्यंत पोहोचवणार आहेत.

‘पुस्तकांच्या पलीकडे…’ हा आशय घेऊन येणारा ‘आऊट ऑफ सिलॅबस’ हा चित्रपट आजच्या तरुणाईसमोरील स्पर्धा परीक्षा, करिअरची धडपड आणि पर्यावरण संवर्धनाची जबाबदारी यांचा समतोल साधणारी कथा मांडतो. स्वतःच्या भविष्याचा विचार करत असतानाच निसर्गासाठी उभे राहणाऱ्या युवकांचा संघर्ष, त्यांची जिद्द आणि सामाजिक बांधिलकी या चित्रपटातून प्रभावीपणे उलगडण्यात आली आहे.

डॉ. सुगत ग्यानेश्वर वाघमारे निर्मित आणि नविन देशबोनिया दिग्दर्शित या चित्रपटाची निर्मिती अडू तिशू प्रोडक्शन्सच्या बॅनरखाली करण्यात आली आहे. चित्रपटात अजिंक्य राऊत, अद्वयी वाघमारे, मिलिंद शिंदे, कमलेश सावंत, अभिजीत रामचंद्र, सानिका तोरस्कर आणि शेषपाल काळणील यांच्या प्रमुख भूमिका आहेत. संगीताची जबाबदारी मोहित कुलकर्णी यांनी सांभाळली असून, वैशाली सामंत, अभय जोधपूरकर यांच्यासह नामवंत गायकांनी चित्रपटातील गीतांना स्वर दिले आहेत.

नाशिकमध्ये आयोजित पत्रकार परिषदेत चित्रपटाच्या निर्मितीमागील प्रेरणा, कलाकारांचे अनुभव, पर्यावरण संवर्धनाचा संदेश आणि आजच्या तरुणांसाठी या कथेत दडलेला आशय याविषयी सविस्तर संवाद साधला जाणार आहे. मनोरंजनासोबतच सामाजिक जाणीव जागृत करणारा हा चित्रपट प्रेक्षकांना नक्कीच विचार करायला भाग पाडणार आहे.

निसर्गसंवर्धनाचा प्रभावी संदेश देणारी आणि तरुणांच्या जिद्दीचा प्रवास मांडणारी ‘आऊट ऑफ सिलॅबस’ ही कथा ३ जुलैपासून आपल्या जवळच्या चित्रपटगृहांमध्ये प्रदर्शित होत आहे. पुस्तकांच्या पलीकडे जाऊन समाज आणि पर्यावरणासाठी उभे राहणाऱ्या या तरुणांचा संघर्ष अनुभवण्यासाठी सज्ज व्हा!

‘आऊट ऑफ सिलॅबस’ — ३ जुलैपासून सर्वत्र प्रदर्शित! 🌿🎬

0 4 7 4 6 1