पत्नीच्या लिव्हर दानातून पतीला नवे जीवन; अशोका मेडिकव्हर हॉस्पिटलने पुन्हा एकदा प्रगत आरोग्यसेवेमध्ये उच्च मानदंड प्रस्थापित केले

पत्नीच्या लिव्हर दानातून पतीला नवे जीवन; अशोका मेडिकव्हर हॉस्पिटलने पुन्हा एकदा प्रगत आरोग्यसेवेमध्ये उच्च मानदंड प्रस्थापित केले

नाशिक : नाते, प्रेम, समर्पण आणि आधुनिक वैद्यकीय विज्ञान यांचा अनोखा संगम अनुभवायला मिळालेल्या एका यशस्वी शस्त्रक्रियेमुळे अशोका मेडिकव्हर हॉस्पिटल, नाशिकने पुन्हा एकदा प्रगत आरोग्यसेवेतील आपले स्थान अधोरेखित केले आहे. गंभीर लिव्हर आजाराने त्रस्त असलेल्या एका रुग्णाला त्याच्या पत्नीने स्वतःच्या लिव्हरचा एक भाग दान करून नवजीवन दिले आणि अशोका मेडिकव्हर हॉस्पिटलमध्ये ही यशस्वी Live Liver Transplant Surgery पार पडली.

ही केवळ एक यशस्वी शस्त्रक्रिया नसून, कुटुंबाच्या निःस्वार्थ प्रेमाची आणि वैद्यकीय क्षेत्रातील उत्कृष्ट टीमवर्कची प्रेरणादायी कहाणी आहे. रुग्ण दीर्घकाळ लिव्हरच्या गंभीर आजाराने त्रस्त होता आणि त्याच्यावर सुरुवातीपासून डॉ. संदीप पाटील, वरिष्ठ गॅस्ट्रोएन्ट्रोलॉजिस्ट यांच्या मार्गदर्शनाखाली उपचार सुरू होते. आजाराची तीव्रता वाढल्यानंतर लिव्हर ट्रान्सप्लांट हाच सर्वोत्तम पर्याय असल्याचे स्पष्ट झाले. त्यावेळी रुग्णाच्या पत्नीने लिव्हर दान करण्याचा धाडसी आणि प्रेमळ निर्णय घेतला.

याबाबत बोलताना डॉ. संदीप पाटील म्हणाले, “लिव्हर सिरोसिस आणि इतर गंभीर लिव्हर विकारांमध्ये वेळेवर निदान आणि योग्य उपचार अत्यंत महत्त्वाचे असतात. या रुग्णाच्या उपचारादरम्यान आम्ही सातत्याने त्यांचे मूल्यमापन केले. आजाराच्या प्रगत टप्प्यात लिव्हर ट्रान्सप्लांट आवश्यक असल्याचे स्पष्ट झाले. रुग्णाच्या पत्नीने दाखवलेले धैर्य आणि कुटुंबाचा सकारात्मक दृष्टिकोन हे या यशामागील महत्त्वाचे घटक आहेत. आज दोघांचीही प्रकृती समाधानकारक असून हा आमच्यासाठी अत्यंत आनंदाचा क्षण आहे.”

या शस्त्रक्रियेचे नेतृत्व डॉ. अमोल जाधव, लिव्हर ट्रान्सप्लांट सर्जन यांनी केले.

यावेळी बोलताना डॉ. अमोल जाधव म्हणाले, “Live Liver Transplant ही अत्यंत जटिल आणि उच्च कौशल्याची शस्त्रक्रिया आहे. या प्रक्रियेत दाता आणि रुग्ण अशा दोघांचीही सुरक्षितता सर्वोच्च प्राधान्य असते. अत्यंत काटेकोर नियोजन, अनुभवी सर्जिकल टीम आणि प्रगत तांत्रिक सुविधांच्या मदतीने ही शस्त्रक्रिया यशस्वीरित्या पूर्ण करण्यात आली. आज रुग्ण आणि दाता दोघेही चांगल्या प्रकृतीत आहेत. अशा प्रकारच्या प्रगत शस्त्रक्रिया आता नाशिकमध्ये यशस्वीरित्या होत आहेत, ही उत्तर महाराष्ट्रासाठी अभिमानाची बाब आहे.”

या संपूर्ण उपचार प्रक्रियेमध्ये बहुविशेषज्ञ तज्ज्ञांच्या टीमचे मोलाचे योगदान लाभले. डॉ. सोहम दोशी आणि डॉ. अमोल शिंदे (गॅस्ट्रोएन्ट्रोलॉजिस्ट), डॉ. संदीप सबनीस (वरिष्ठ GI सर्जन), डॉ. भाविक शाह (हेड – क्रिटिकल केअर व इंटेन्सिव्हिस्ट) तसेच डॉ. अखिलेश सोमानी (हेड – इमर्जन्सी मेडिसिन) यांनी रुग्ण व्यवस्थापन, शस्त्रक्रियेपूर्व तयारी, क्रिटिकल केअर आणि शस्त्रक्रियेनंतरच्या उपचारांमध्ये महत्त्वपूर्ण भूमिका बजावली. तसेच अशोका मेडिकव्हर हॉस्पिटलच्या विविध विभागांतील डॉक्टर, भूलतज्ज्ञ, नर्सिंग टीम आणि तांत्रिक कर्मचाऱ्यांच्या समन्वित प्रयत्नांमुळे ही शस्त्रक्रिया यशस्वी होऊ शकली.

अशोका मेडिकव्हर हॉस्पिटलचे केंद्र प्रमुख श्री. अनुप त्रिपाठी यांनी सांगितले की, “पत्नीने पतीला दिलेले हे जीवनदान आणि त्याला आधुनिक वैद्यकीय उपचारांची मिळालेली साथ ही खरोखर प्रेरणादायी घटना आहे. अशोका मेडिकव्हर हॉस्पिटलमध्ये अत्याधुनिक तंत्रज्ञान, अनुभवी तज्ज्ञ डॉक्टर आणि जागतिक दर्जाच्या सुविधा उपलब्ध आहेत. या यशस्वी Live Liver Transplant ने आम्ही पुन्हा एकदा प्रगत आरोग्यसेवेतील उच्च मानदंड प्रस्थापित केले आहेत. आता लिव्हर ट्रान्सप्लांटसारख्या अत्यंत जटिल शस्त्रक्रियांसाठी उत्तर महाराष्ट्रातील रुग्णांना महानगरांमध्ये जाण्याची गरज नाही.”

या यशस्वी शस्त्रक्रियेमुळे अशोका मेडिकव्हर हॉस्पिटलने लिव्हर ट्रान्सप्लांट आणि प्रगत गॅस्ट्रो सर्जरी क्षेत्रातील आपली क्षमता पुन्हा सिद्ध केली असून, उत्तर महाराष्ट्रातील रुग्णांसाठी उच्च दर्जाच्या सुपरस्पेशालिटी आरोग्यसेवेचा विश्वासार्ह पर्याय म्हणून आपले स्थान अधिक बळकट केले आहे.

0 4 7 4 6 1