कळवणच्या सरकारी शाळेत अन्नातून विषबाधा झाल्याने घबराट

[8:42 am, 6/9/2025] Bhausaheb Hujband: कळवणच्या कनाशी येथील सरकारी कन्या आश्रम शाळेत विद्यार्थिनींना अन्नातून विषबाधा झाल्याने खळबळ उडाली आहे. ५१ विद्यार्थिनींना खाल्ल्यानंतर विषबाधा झाली, त्यापैकी ४ विद्यार्थिनींची प्रकृती बिघडल्याने त्यांना कनाशी प्राथमिक आरोग्य केंद्रात दाखल करण्यात आले.
उर्वरित ४७ विद्यार्थ्यांची प्रकृती स्थिर आहे. या घटनेची माहिती मिळताच आमदार नितीन पवार यांनी तात्काळ कनाशी प्राथमिक आरोग्य केंद्र गाठले आणि विद्यार्थ्यांची भेट घेतली आणि त्यांच्या प्रकृतीची विचारपूस केली. त्यांनी वैद्यकीय अधिकाऱ्यांना तातडीने योग्य उपचार देण्याच्या सूचना दिल्या.
या घटनेमुळे संतप्त झालेले आमदार नितीन पवार म्हणाले की, दहिदुलेच्या मध्यवर्ती स्वयंपाकघरातून येणाऱ्या अन्नाबाबत यापूर्वीही तक्रारी येत होत्या. त्यांनी ही योजना आदिवासी विद्यार्थ्यांसाठी हानिकारक असल्याचे सांगत ती रद्द करण्याची मागणी केली. आमदार म्हणाले की ही योजना विद्यार्थ्यांना नाही तर कंत्राटदारांना फायदा देण्यासाठी आहे. ते म्हणाले की, प्रत्येक आश्रमशाळेत पूर्वीप्रमाणेच ताजे अन्न तयार केले पाहिजे.
आमदार नितीन पवार यांच्यानंतर एक तासाने आलेल्या प्रकल्प अधिकारी अकुनुरी नरेश यांच्याबद्दल पालकांनी नाराजी व्यक्त केली.
नरेश यांनी नंतर आश्रम शाळेला भेट दिली आणि मुख्याध्यापकांना दहिदुले येथून होणारा अन्न पुरवठा तात्काळ थांबवण्याचे आणि आश्रम शाळेतच नाश्ता आणि दुपारच्या जेवणाची व्यवस्था करण्याचे निर्देश दिले.
आरोग्य विभागाने अन्न आणि पाण्याचे नमुने तपासणीसाठी पाठवले आहेत, अहवाल आल्यानंतरच खरे कारण कळेल.

0 4 2 9 5 7