किम्स मानवता हॉस्पिटलमध्ये “आंतरराष्ट्रीय योग दिन” उत्साहात साजरा

किम्स मानवता हॉस्पिटलमध्ये “आंतरराष्ट्रीय योग दिन” उत्साहात साजरा

नाशिक, 21 जून: आंतरराष्ट्रीय योग दिनानिमित्त किम्स मानवता हॉस्पिटलमध्ये योग सत्राचे आयोजन करण्यात आले होते. रुग्णालयाच्या प्रांगणात सकाळी ६ ते ८ या वेळेत मोफत दोन तासांचे योग सत्र पार पडले. या सत्रात रुग्णालयातील डॉक्टर, परिचारिका, प्रशासनिक कर्मचारी व रुग्णांच्या नातेवाईकांनी उत्स्फूर्त सहभाग घेतला.

योग प्रशिक्षका स्मिता शिंदे यांच्या मार्गदर्शनाखाली पार पडलेल्या सत्रामध्ये विविध योगासने, प्राणायाम व ध्यान तंत्र शिकवले गेले. या सत्रामुळे सहभागींच्या शरीरात नवचैतन्य निर्माण झाले असून, मानसिक शांती व तंदुरुस्तीचा अनुभव त्यांनी घेतला.

योग दिनानिमित्त बोलताना डॉ. राज नागरकर, व्यवस्थापकीय संचालक म्हणाले, “योग हा मन, शरीर आणि आत्म्याच्या एकात्मतेसाठी उपयुक्त साधन आहे. नियमित योगाभ्यासामुळे शारीरिक दुखणी, ताण-तणाव व नैराश्यावर नियंत्रण मिळवता येते. तसेच शरीराची लवचिकता, सांधेदुखीवर नियंत्रण व चांगली झोप मिळविण्यातही योग उपयुक्त ठरतो.”

रुग्णालयाचे सीओओ डॉ. निलेश सिंग यांनी सांगितले, “योगामुळे चयापचय, फुफ्फुसांची कार्यक्षमता, रक्ताभिसरण आणि प्रतिकारशक्ती सुधारते. त्यामुळे लठ्ठपणा, हृदयविकार, मधुमेह अशा अनेक आजारांपासून संरक्षण मिळू शकते. या कारणामुळे आम्ही नागरिकांसाठी हे मोफत योग सत्र आयोजित केले.”

सत्रानंतर सहभागींपैकी एकाने सांगितले, “या उपक्रमामुळे आम्हाला स्वतःसाठी वेळ काढण्याची आणि निरोगी जीवनशैलीकडे वळण्याची प्रेरणा मिळाली. रुग्णालयाने हे आयोजन केल्याबद्दल आम्ही आभारी आहोत.”

या कार्यक्रमाला मार्केटिंग हेड गॅब्रिएल स्वामी , निखिल दळवी , सिद्धांत नागपुरे , विशाल रोकडे , विश्वानंद साळवे , तसेच रुग्ण, त्यांचे नातेवाईक, डॉक्टर, परिचारिका आणि रुग्णालयातील इतर कर्मचारी मोठ्या संख्येने उपस्थित होते. किम्स मानवता हॉस्पिटलने आरोग्यप्रेमी नागरिकांसाठी उपयुक्त आणि प्रेरणादायी उपक्रम राबवून एक सामाजिक जबाबदारीचे उदाहरण प्रस्थापित केले.

0 3 2 9 4 9